یہ کوئی ہیرو نہیں تھا بھتہ خور اور اغواء کار تھا۔۔۔

پولیس کی کارروائیوں پر دور بیٹھ کر تنقید کرنا تو نہایت آسان ہے، مگر ذرا اس تلخ حقیقت پر بھی غور کیجیے کہ علاقے کے پچاس سے زائد معزز اور کاروباری افراد کو بھ.تے کی کالز کر کے ہر ایک سے بیس لاکھ سے لے کر ایک کروڑ روپے تک کا تقاضا کرنا بھلا کون سی مجبوری ہو سکتی ہے؟ یہ انعامو وینس کی کوئی مجبوری نہیں بلکہ باقاعدہ ایک منافع بخش کاروبار بن چکا تھا۔

آر پی او سرگودھا سہیل اختر سکھیرا نے ایک حالیہ انٹرویو میں اس نام نہاد “مجبور دش.من دار” کے اصل چہرے سے مکمل طور پر پردہ اٹھا دیا ہے۔ ان کا دو ٹوک کہنا تھا کہ انعامو وینس کو اصل میں اپنا نام بنانے، خو.ف پھیلانے اور ٹہکا جمانے کا چسکا لگ چکا تھا۔ یہ بات اپنی جگہ درست سہی کہ اس کی ذاتی دش.منیاں چل رہی تھیں، لیکن اس نے اپنے دشمنوں کا سامنا کرنے کے بجائے علاقے کے پرامن مالدار اور کاروباری طبقے کو اپنا آسان ہدف بنا لیا تھا۔

سہیل اختر سکھیرا نے بالکل بجا سوال اٹھایا کہ اگر کسی انسان کی اپنی غلط حرکتوں کے باعث اس کی زندگی خراب ہو جائے، تو کیا اس کا مطلب یہ ہے کہ وہ معصوم شہریوں سے بھ.تہ وصول کرنا شروع کر دے؟ ہرگز نہیں! حقیقت یہ ہے کہ بھت.ہ خوری اس کا پیشہ بن گئی تھی؛ جو شخص رقم دینے سے انکار کرتا، یہ اس پر جرمانے کے طور پر دو گنا یا پانچ گنا مزید رقم عائد کر دیتا اور ڈھٹائی سے کہتا کہ اگر بھتہ نہ مانگوں تو کھاؤں کہاں سے؟ اگر واقعی معاملہ محض دو وقت کی روٹی یا گزر بسر کا ہوتا تو کوئی پچاس ہزار یا ایک لاکھ روپے مانگ لیتا، مگر انعامو کا سیدھا مطالبہ ہوتا تھا کہ بیس لاکھ یا پچاس لاکھ دو ورنہ اپنی فیکٹری اور کاروبار بند کر کے گھر بیٹھ جاؤ—اور انکار کرنے والوں کی فیکٹریوں پر سرِعام فا.ئرنگ کروا دی جاتی تھی، جس کے خو.ف سے شہری شکایت درج کروانے کی ہمت بھی نہیں کرتے تھے۔

تاہم، انعامو وینس کا سب سے بڑا اور ناقابلِ معا.فی جر.م قانون نافذ کرنے والے اداروں پر براہِ راست حم.لے اور پولیس جوانوں کا ناحق خو.ن بہانا تھا۔ پولیس فورس اپنے ش.ہداء کے خون کا حساب ہر صورت لیتی ہے؛ اس ملزم نے تین پولیس اہلکاروں کو شہ.ید کیا اور ایس ایچ او سمیت متعدد جوانوں کو شدید زخمی کیا۔ پولیس افسران کو کھلے عام دھمکیاں دینا اس کا روزمرہ کا معمول بن چکا تھا، اور اتنے سنگین ج.رائم کے باوجود وہ سوشل میڈیا پر خود کو ایک معصوم اور مظلوم شخص بنا کر پیش کرتا تھا۔

اس ملک میں بڑی بڑی خاندانی دش.منیاں موجود ہیں، مگر کبھی کسی نے یہ نہیں سنا کہ دشمن دار لوگ ریاست اور پولی.س پر ہی چڑھ دوڑیں۔ جب کوئی شخص ریاست کی رٹ کو چیلنج کرے اور سوشل میڈیا پر اپنی الگ عدالت لگا لے، تو پھر ریاست کے لیے ایسی سرکشی برداشت کرنا ناممکن ہو جاتا ہے۔ پولیس ریاست کا وہ ذمہ دار ادارہ ہے جس کا اولین فرض امن و امان کے لیے خطرہ بننے والے عناصر کا مکمل قلع قمع کرنا ہے۔

درحقیقت انعامو وینس کے اس عبرتناک انجام میں محض پول.یس کی حکمتِ عملی ہی نہیں بلکہ قدرت کا قانونِ مکافات بھی کارفرما تھا، کیونکہ وہ جس تباہی کے راستے پر چل نکلا تھا اس کی آخری منزل م.وت ہی تھی۔ یہ واقعہ ان تمام نوجوانوں کے لیے ایک کھلا سبق ہے جو جرائ.م اور بدم.عاشی کی دنیا میں نام کمانے کے خواب دیکھتے ہیں۔ اب سرگودھا پولیس انعامو اور فیصل کے باقی مان.دہ فرار ساتھیوں کے تعاقب میں سرگرم ہے، اور قوی امید ہے کہ وہ بھی بہت جلد قانون کے شکنجے میں ہوں گے۔

Leave a Comment