میرے بچوں کے پاس میرے لیے وقت نہیں ہے۔۔۔

جان ریمبو نے حال ہی میں ایک انٹرویو دیا ہے جو دردِ دل رکھنے والے انسانوں کو رلا دیتا ہے۔ ماں باپ، بہن بھائی اولاد کے رشتوں کی تڑپ سمجھنے والے لوگ اس انٹرویو کو دیکھ کر روئے بغیر نہیں رہ سکتے۔
افضل خان اپنی ماں کو یاد کرتے ہوئے انتہائی روئے۔ انہوں نے وہ قصہ سنایا کہ جب ان کی والدہ بیماری کی وجہ سے انتہائی تکلیف کی حالت میں تھیں، میں پاس کھڑا تھا میں نے کہا ماں کچھ چاہیے مجھے بتا میں کردوں گا، تکلیف میں بھی مسکرائی کہتی بچے میں تیرے سے بہت خوش ہوں میرا ماتھا چوما اور کہتی دو نفل نماز پڑھ لو۔ (اس دوران افضل خان بتاتے ہوئے رو رہے تھے) میں نے وضو کیا، گرگرا کر رب سے دعا کی کہ مالک اے اللہ پاک اگر میری ماں کی صحت والی زندگی لکھی ہے تو عطاء کردے لیکن اگر یہ اسی طرح تکلیف میں رہیں گی تو پردہ فرما دے۔ اور یہ کہتے ہی وہ ٹوٹ کر رو پڑتے ہیں
اس کے بعد ایک اور دکھ سناتے ہیں کہ ماں باپ جب بچھڑتے ہیں تو غم ساری زندگی کا ہے۔ یہ نہیں ختم ہوسکتا۔ لیکن آج کا دور ہی عجیب آگیا ہے، ترقی آگئی ہے، پرائیوسی کے نام پر رشتے دور ہوگئے ہیں، میری اولاد دو منٹ کا ٹائم نہیں دیتی۔ اپنے اپنے کمروں میں بیٹھے رہتے، بیگم کو کہتا ہوں انہیں کہوں کہ یار دو منٹ کے لیے تو پاس بیٹھو۔ لیکن یہ پچھتائیں گے

ٹی وی اور فلم کی چمکتی دمکتی اسکرین پر جن ستاروں کو ہم ہمیشہ قہقہے لگاتے اور خوشیاں بکھیرتے دیکھتے ہیں، بظاہر ان کی زندگی ہمیں ہر غم سے آزاد اور مکمل دکھائی دیتی ہے، مگر ان مسکراہٹوں کے پیچھے چھپی تنہائی اور محرومی کا اندازہ لگانا آسان نہیں ہوتا۔ گزشتہ دنوں جب شوبز کی دنیا کے معروف مزاحیہ اداکار جان ریمبو کیمرے کے سامنے اپنے بچوں کی بے رخی اور وقت نہ دینے کا تذکرہ کرتے ہوئے آبدیدہ ہوئے، تو یہ منظر دیکھنے والوں کے دلوں کو چیر کر رکھ گیا اور اس تلخ حقیقت سے پردہ اٹھا کہ شہرت کی بلندیوں پر پہنچنے والے فنکار بھی نجی زندگی میں کس قدر اذیت سے گزر سکتے ہیں۔

یہ کس قدر المیہ ہے کہ جس فنکار نے اپنی تمام عمر دوسروں کے اداس چہروں پر مسکراہٹیں سجانے میں گزار دی، آج وہ خود اپنے ہی گھر کی چار دیواری میں اپنے جگر گوشوں کی توجہ اور قربت کا منتظر ہے۔ ان کی یہ بے بسی بھری التجا کہ بچے اپنی مصروفیات میں اس قدر کھو چکے ہیں کہ انہیں اپنی اہلیہ کے ذریعے پیغام بھجوانا پڑتا ہے کہ بچوں سے کہیں کچھ دیر آ کر والد کے پاس بیٹھ جایا کریں، ہر حساس دل کو تڑپا دینے کے لیے کافی ہے۔ دراصل، مادیت پرستی اور زندگی کی تیز رفتار دوڑ نے ہمیں اس قدر خود غرض بنا دیا ہے کہ ہمارے پاس ان والدین کے لیے چند لمحے بھی میسر نہیں رہے جنہوں نے اپنی جوانی ہماری پرورش پر نچھاور کر دی۔

وہ اولاد جو بڑھاپے کی دہلیز پر کھڑے والدین کو تنہائی کے رحم و کرم پر چھوڑ دیتی ہے، شاید اس اٹل قانونِ قدرت سے غافل ہے کہ وقت ہمیشہ ایک سا نہیں رہتا اور کل کو یہی رویہ مکافاتِ عمل بن کر ان کے اپنے سامنے آ کھڑا ہوگا۔ دنیا بھر کی آسائشیں، بنگلے اور دولت اس وقت بالکل بے وقعت ہو جاتے ہیں جب انسان کو اپنوں کا خلوص اور ان کی گرمجوشی نصیب نہ ہو۔ ضرورت اس امر کی ہے کہ ہم وقت گزرنے سے پہلے اپنی ترجیحات کو بدلیں، کیونکہ والدین کی قربت اور ان کی دعائیں ہی وہ حقیقی سرمایہ ہیں جن کا کوئی نعم البدل نہیں ہو سکتا۔

Leave a Comment