2 فٹ کی تنگ گلی کو اپنے گھر سے 6 فٹ جگہ دے کر 8 فٹ چوڑا کر دیا: بزرگ شہری کا سخاوت اور ایثار سے بھرپور اقدام!
معاشرے میں ایسے عظیم اور ظرف والے لوگ بہت کم ہوتے ہیں جو دوسروں کی سہولت اور آسانی کے لیے اپنا ذاتی نقصان برداشت کرنے سے بھی دریغ نہیں کرتے۔ ایک ایسا ہی ایثار اور انسانی ہمدردی کا دل چھو لینے والا واقعہ سامنے آیا ہے جہاں لوگوں کو درپیش مشکلات کو دیکھ کر ایک دل سوز بزرگ سے رہا نہ گیا اور انہوں نے گاؤں کے راستے کو کشادہ کرنے کے لیے بڑا قدم اٹھایا۔
علاقے میں عرصہ دراز سے موجود محض 2 فٹ چوڑی تنگ گلی سے اہلِ گاؤں کو آمدورفت میں شدید دشواری کا سامنا تھا۔ اس مسئلے کو حل کرنے کے لیے بزرگ نے اپنے گھر کی دیوار گرا کر اپنے ذاتی گھر کی 6 فٹ جگہ گلی کے لیے وقف کر دی، جس سے وہ راستہ اب 8 فٹ چوڑا ہو گیا ہے۔ اس بے لوث عمل کے باعث اب پورے گاؤں والوں کو آمدورفت میں بے حد آسانی میسر آئی ہے۔