غزہ کے معصوم بچوں کے لیے 22 ارب 39 کروڑ 73 روپے عطیہ کر کی والا سویڈش بزنس مین۔۔۔

تصویر میں نظر آنے والے اس شخص کا نام راجر اکلیئس ہے۔ سویڈن سے تعلق رکھنے والے اس کاروباری اور مخیر شخص نے اپنی فاؤنڈیشن کے ذریعے غزہ کے بچوں کی تعلیم کے لیے 80 کروڑ سویڈش کرونا دینے کا اعلان کیا، جن کی پاکستانی مالیت تقریباً 22 ارب روپے سے زیادہ بنتی ہے۔ 20 مارچ 2026 کو کیے گئے اس اعلان کے مطابق، یہ امداد یونیسف کے ذریعے بچوں تک پہنچائی جائے گی۔ یونیسف سویڈن نے اسے اپنی تاریخ کا سب سے بڑا انفرادی عطیہ قرار دیا ہے۔

راجر اکلیئس کی فاؤنڈیشن کے مطابق، اس منصوبے کے تحت تقریباً 400 اسکولوں کی معاونت کی جائے گی۔ اعلان میں بچوں کے لیے تعلیمی جگہوں، اساتذہ اور پانچ سال تک خوراک کے اخراجات کا بھی ذکر ہے۔ حالات کے مطابق یہ تعلیمی سہولیات خیموں یا مستقل عمارتوں میں قائم کی جاسکتی ہیں۔

ذرا سوچیں، جس بچے کا اسکول تباہ ہوگیا ہو، کتابیں چھن گئی ہوں اور دوست بچھڑ گئے ہوں، اس کے لیے دوبارہ کسی کلاس میں بیٹھنا کتنی بڑی خوشی ہوسکتی ہے۔ ایک استاد کا شفقت سے نام پکارنا، ہاتھ میں دوبارہ پنسل آنا اور اگلے دن اسکول جانے کی وجہ ملنا… ایسے بچوں کے لیے معمول کی یہ چھوٹی چھوٹی باتیں بھی بہت قیمتی ہیں۔

اس امداد کا مقصد انہی بچوں کی زندگی میں تعلیم، تحفظ اور امید واپس لانے کی کوششوں کو سہارا دینا ہے۔ اسکول کھلیں گے تو بچوں کو سیکھنے، ایک دوسرے کے ساتھ وقت گزارنے اور اپنے مستقبل کے خواب دیکھنے کا موقع ملے گا۔

راجر اکلیئس کا یہ قدم قابلِ قدر ہے۔ کسی بچے کی بھوک کم کرنے، اس کی تعلیم جاری رکھنے اور اسے دوبارہ مسکرانے کا موقع دینے پر خرچ ہونے والی دولت کتنی خوب صورت میراث بن سکتی ہے۔ اللہ تعالیٰ غزہ کے بچوں کی حفاظت فرمائے اور ان کے لیے آسانیاں پیدا کرنے والے ہر انسان کو جزائے خیر عطا فرمائے۔

ذرائع: یونیسف سویڈن اور اکلیئس فاؤنڈیشن کی اصل پریس ریلیز، مؤرخہ 20 مارچ 2026 جو کہ پاکستانی مالیت 8 نومبر 2026 کی شرحِ تبادلہ کے مطابق تخمینی ہے۔

Leave a Comment